Thursday, 27 June 2013
Saturday, 27 April 2013
სულის ჰარმონია
მე ეხლა ვიცი ვახსოვარ არვის
შენ პატარებზე გეჭიროს თვალი
ჩემი ამბავი ჯანდაბას იქით...
 |
ივერიის ღვთისმშობლის ხატი მარად ფარავდეს ჩემს შვილებს. ამინ!
ხომ შეიძლება სხვა იცინოდეს
შენ კი არა და არ გაგეცინოს
ხომ შეიძლება დაგღალოს დღემ და
ბალიშზე მაინც არ დაგეძინოს.
ხომ შეიძლება მომავლის გარდა
გარდასულ დღეთა სხივზეც იღელვო,
სულ ერთი ჭიქა დალიო მაგრამ,
დათვრე და დარდი ამოიმღერო...
ხომ შეიძლება ეტრფოდე იებს,
და ენძელების გახდე ძიებად ,
გძულდეს და მაგრამ მაინც გიყვარდეს,
ეს ყველაფერი ხომ შეიძლება.
მაგრამ ყველაფერს გულშივე ვმალავთ'
გულიდან ცივად დაღვრილ წყაროებს
ღამე ცრემლები აღარ გვასვენებს
და ცხელ ნაკადად მოწანწკარებენ.
ხომ შეიძლება გზა ვერ გაიგნო,
წყალში იდგე და მაინც იწვოდე,
წყალში იდგე და მაინც იწვოდე,
ხომ შეიძლება მრუდედ გაიგონ
შენი ცხოვრების ყველა სისწორე.
თქმულს მკითხველები ვეღარ მიგიხვდნენ,
ცამდე მართალმა, ვერ იმართალო,
სიბრძნის კოშკამდე ისე მიხვიდე,
რომ უმეცრებმა გიჟად ჩაგთვალონ...
ხომ შეიძლება ეტრფოდე იებს
და ენძელების იქცე ძიებად,
გძულდეს და მაგრამ მაინც გიყვარდეს,
ეს ყველაფერი ხომ შეიძლება...
Monday, 22 April 2013
სასწავლო პროექტი თემაზე - სინათლე
- პროექტის სახელწოდება: სინათლე და მისი გავრცელების თავისებურებანი.
- პროექტის მთავარი იდეა: გაეცნონ მოსწავლეები სინათლის არსს. მის თვისებებს და წარმოდგენა ქონდეთ იმაზე თუ როგორ ხდება პრაქტიკულად სინათლის თვისებების გამოყენება
- პროექტის აქტუალობა: სინათლის არსი, სინათლის მნიშვნელობა მხედველობასთან მიმართებაში .
- პროექტის მიზანი: გაეცნონ მოსწავლეები სინათლის სწორხაზოვან გავრცელებას, სინათლის სხივის არეკვლის და გარდატეხის უნარს და თვისებებს, ჩრდილს და მისი წარმოქმნის მექანიზმს აგრეთვე წარმოდგენა შეექმნათ თეთრი სინათლის მრავალფეროვან სპექტრზე.
- მოსწავლეთა ასაკი: 9-10 წლის
- ვადები და ხანგრძლივობა: 3 კვირა
- მოსალოდნელი შედეგები/პროდუქტი რაც შეიძლება შეიქმნას:მოსწავლეები საკითხების გარშემო გაერთიანდებიან ჯგუფებში და მასწავლებლის მითითებებით მოიძიებენ საჭირო ინფორმაციას, შექმნიან პლაკატებს, პრეზენტაციისათვის მოიძიებენ ვიდეო მასალას,აგრეთვე წარმოადგენენ მუყაოს ქაღალდისაგან წინასწარ დამზადებულ ზღაპრის პერსონაჟებს რათა წარმოადგინონ ჩრდილების თამაშის სახით სცენაზე, ჩაატარებენ სათანადო ცდებს.
- პროექტისთვის საჭირო ძირითადი რესურსები: ფორმატის ქაღალდები, მუყაოს ქაღალდები, ინტერნეტიდან ვიდეომასალები, მარკერები, ცდის ჩასატარებლად საჭირო ხელსაწყოები.
- 9პროექტის მსვლელობა:მოსწავლეები დაიყოფიან ჯგუფებად და შეადგენენ სამუშაო გეგმას საკითხების მიხედვით, მოიძიებენ ინფორმაციას ლიტერატურასა და ინტერნეტში,შეადგენენ პლაკატების დიზაინს, გაინაწილებენ ჯგუფებში ფუნქციებს, შექმნიან სცენარს ზღაპრების პერსონაჟების მიხედვით და დაამზადებენ სათანადო თოჯინებს მუყაოსაგან, ორგანიზაციას გაუწევენ პროექტის შიდა სასკოლო პრეზენტაციას.
- საგნებთან/საგნობრივ ჯგუფებთან/ეროვნულ სასწავლო გეგმასთან კავშირი: ინტეგრირება ფიზიკასთან, ხელოვნებასთან, ლიტერატურასთან. მოსწავლე შეძლებს აღწეროს სინათლის არეკვლის თავისებურებანი, გაერკვეს სინათლის გავრცელების სიჩქარეში, დაადგინოს ექოლოკაციის მნიშვნელობა ზოგიერთი ცხოველის არსებობისათვის, შეძლოს ცდების ჩატარება სინათლის სხივის არეკვლასა და გარედატეხაზე,
- პროექტის ხელმძღვანელი: მანანა ნოზაძე
- ხელმძღვანელის ელ:ფოსტა: :manonoza3@gmail.com
ვიდეომასალა ჩრდილზე
Subscribe to:
Comments (Atom)